အိပ်မက်မှသည် ထက်အာကာဆီသို့ — အပိုင်း ၁ — အိပ်မက်ကြီးကြီးမက်ပါ (Dream Big)

စဉ်းစားဖို့ တစ်ခုရှိပါတယ်... ဒေသတွင်းက လူငယ်တွေအတွက် တိုးတက်မှု၏ ပထမခြေလှမ်းက "အိပ်မက်ကြီးကြီးမက်ပါ" (Dream big) တိုက်တွန်းခြင်းပါပဲ။

မိခင်တစ်ယောက်အနေနဲ့ ကျွန်မ အမြဲ ယုံကြည်တာက — မိဘတွေဟာ ကလေးတွေအတွက် မှန်ကန်တဲ့ ပတ်ဝန်းကျင် ဖန်တီးပေးဖို့ အရေးကြီးပါတယ်။ ပြတိုက်၊ သိပ္ပံပြပွဲတွေ ခေါ်သွားခြင်း၊ စိတ်ကူးယဉ် ကစားစရာလေးတွေ ဝယ်ပေးခြင်းတွေက ကလေးတွေရဲ့ Dream big ကို ရှင်သန်စေပါတယ်။

တကယ်တော့ မိဘမပေးနိုင်ရင်တောင် ကျောင်း၊ ဆရာ၊ ဆရာမတွေရဲ့ ညွှန်ကြားမှု (Guidance) နဲ့ သူငယ်ချင်းတွေရဲ့ သက်ရောက်မှု (Influence) က အိပ်မက်ကို မွေးထုတ်ပေးနိုင်ပါတယ်။ မရရင် စာကြည့်တိုက်နဲ့ မီဒီယာတွေကနေ Bill Gates၊ Einstein လို သူတွေရဲ့ ဇာတ်ကြောင်းတွေကို လေ့လာနိုင်ပါတယ်။

၁၈ ရာစုက ကောင်းကင်ပျံဖို့ ဆိုတာ စိတ်ကူးယဉ် တစ်ခုသာ ဖြစ်ခဲ့ပါတယ်။ Wright Brothers ၏ ဇွဲကြောင့် ၁၉၀၈ မှာ လေယာဉ် ပေါ်ခဲ့တယ်။ ဒီနေ့ လူသား လကမ္ဘာ ရောက်နေပြီ။ ကြီးပွား တိုးတက်မှု၏ အစဟာ အိပ်မက်ကြီးကြီး မက်ခြင်းပါပဲ။

အိပ်မက်မက်ရာမှာ ၃ ချက် လိုအပ်ပါတယ် — ၁။ တိကျရှင်းလင်း ပြတ်သားရပါမယ် ၂။ စိတ်ထဲ စွဲမြဲအောင် ကြီးကြီး မက်ပါ ၃။ တစ်ခုတည်းကိုသာ စူးစိုက်ပါ

စီမံခန့်ခွဲမှုရှုထောင့်က ဒါကို မျှော်မှန်းချက် (Vision) နဲ့ လုပ်ငန်းစဉ် (Mission) လို့ ခေါ်ပါတယ်။

ဒါကြောင့် ကျွန်မ ထင်တာက လူငယ်တွေအနေနဲ့ ကိုယ့်အိပ်မက်ကို ရှင်းရှင်း ပြတ်ပြတ်၊ တစ်ခုတည်းကိုသာ ကြီးကြီး မက်ဖို့ပါပဲ။

(နောက်အပိုင်း — "ပြင်းပြတဲ့ ဆန္ဒတွေ ရှိပါ — Burning Desire")

ရွှင်လန်းချမ်းမြေ့ကြပါစေ။

#thinyanant #DreamBig #YouthInspiration #VisionAndMission #WrightBrothers #FromDreamsToTheSky